"ee" ta Industry hai ! ECONOMY grow karega ta sab tarah ka INDUSTRY badhega ! yehi se Bihar me bhi KIDNAPPING INDUSTRY badh raha hai ! Bhai log 15 saal lag gaya tha "ees" industry ko falane fulane me , ab "ee" kaise 1-2 saal me BANDH ho jayega ? Kitana log ko ROJGAAR mila hai ! MEDIA , MIDDLEMAN , POLICE , NETA aur PUBLIC sab log INVOLVE rahata hai ! ab "ee" INDUSTRY bandh ho jayega ta eetana log KAA karega ? ab ta 'ee' INDUSTRY , Cottage Industry ka roop le liya hai ! Bihar ke har gali - muhalla me aapako 2-4 tho KIDNAPPER mil jayega !
Hum log BACHCHA the ta sunate the ki LAKADSUNGHA aata hai , LAKADI sungha ke Kidnapp kar leta hai ! Lekin ab 'ee' process bahut aasaan ho gaya hai ! LALU raaj me Professional log KIDNAPP karata tha , NITISH raaj me UN-PROFESSIONAL log hai ! Professional KIDNAPPER log ka promotion ho gaya hai , koi MLA ban gaya hai ta koi MUKHIYA ! so Human Resources ka Problem hai ! Jaise IT industry me 2 mahina ka JAVA ka training le kar HYDERABAD ka Traffic hawaldaar bhi USA chala jata hai waisa hee kuchh KIDNAPPING INDUSTRY me bhi ho raha hai !
achcha ek aur baat , ab INSURANCE COMPANY wala KIDNAPPING ka RISK coverage karega ! heavy premium lega , aapka JAB kidnapping ho jayega tab INSURANCE officer middleman ka bhumika nibhayega ! dekhe ! Kya Bujhaya ?? ab sab kuchh systematic ho raha hai :) !
Kidnapping ka bahut fayada hai ! MEDIA me naam aa jata hai ! GALI - MUHALLA me aapaka STATUS badh jata hai ! 2-4 tho Police officer se direct relation ban jayega ! 10 saal baad bhi log aapako KIDNAPPING INCIDENT se jana pahchana karenge ! BETA-BETI ke biyah me problem nahi hoga ! LOG turant recognise kar lega , are woh to wahi hain , jinaka falana falana saal me KIDNAPPING huaa tha ( Bahut MAAL daba ke rakha hai ) !
2-4 dus saal baad RESUME me ek row hoga ki WHETHER YOU have been KIDNAPPED or NOT ! IIM ke interview me STRESS TESTING me aisa EXPERIENCE kaam aayega !
SARKAAR ko chahiye ki har gali muhalla se KIDNAPPER TALENT HUNT suru kare ! oosako bajapte COACHING ho ! How to Become PROFESSIONAL KIDNAPPER ke liye "KOTA " aur SUPER-30 ka batch suru hoga ! Jab aapaka Professional KIDNAPPER ho jayega tab PUBLIC kahega ki wah ! Bachpan se hi TALENTED tha ! AKHBAAR me Bada Bada COaching wala ka AD aayega ! " Become Professional KIDNAPER in 3 months " ! Mast JHAKAAS COuncellor hogee !
CHANDAN BOSS kah rahe the ki "Problem tab aayega , jab ARJUN SINGH jaisa aadami ees JOB me QUOTA ka demand karega " ! Hum bole " hmmmmm , Chaliye koi baat nahi 50 % ke liye Fight hoga " !
kul mila kar , LOKSABHA se BILL paas kar ke eesako TAX HOLIDAY milana chahiye !
SARKAAR , Kuchh bhi karo ! Lekin UNPROFESSIONAL KIDNAPPER se BIHAR ko BACHAO ! Kuchh bhi hai PROFESSIONAL KIDNAPPER "ees" Business ka ETHICs jaanate hain ! QUALITY Process ko samajhate hain !
Thanks !
Comments are required !
2 टिप्पणियां:
Kya bat hai Mukhiya jee, aap ne Bihar ki dukhti shah rag pe haat dala hai or ek aaise issue pe likha hai jisse Bihar ki Upper midle class or middle class ki janta bahut peedit hai.
Keep it up to raise such type of issue.
Love and best wishes,
Yours own,
Ahmad
Mukhiya jee, kitne din tak "15 saal, 15 saal" ka raag alaapiyega. "Bihar me crime hai" wala raag aapne aur aap jaise logo ne Lalu-hate me alaapna suru kiya tha. Ab jab saare log is raag ko Bihar-hate raag me badal ke gaa rahe hai.n to Nitishba ke bahut chahne pe bhi ye raag rukne ka naam hi nahi le raha hai. Ab log media ko anti-Bihar manne lage hai. Bihari intelegntia ab Media ko hi gaali de raha hai. Is media wale ko Bihar ko gaali dena kisne sikhaya hai? Aur kyo.n sikhaya hai? Are media me bhi Bihar ka bahut saare jha jee, sinha jee, singh jee bahre hue hai.n Abhi hum Pune se laute hai.n. Wha.h ka kuchh bhi achha nahi laga - roads, water, electricity, law and order. lekin Pune jaane se ppahle sare logo ne Pune ke baare ma bahut badhiy badhiya baat suna tha hume. Aur Pune me har tarah ka industry hai - fir bhi vikas ka namo nishan nahi hai, jo bhi hai wo individual effort hai. Punjab aur Gujarat viskshit hai isliye nahi ki waha.n Lalu paida nahi hua, isliye ki wo log Dollar kaman sikh gaye bahut pahle - canda me frauding kar ke migrate karna aur waha.n tax chori karna. -
- chhota muh badi baat ke liye maafi-
Ramkhilawan Mush-har
- Mush-har tola, Nawadah
एक टिप्पणी भेजें