STATUS SYMBOL

Tarah Tarah ka Status SYMBOL hota hai ! Jaise aaj kal khud ka ek BLOG rakhana bhi status SYMBOL hai ! Ek Jamana tha ki GIRL FRIEND hona STATUS SYMBOL hai ! Campus Recruitment me ek nahi teen- char NAUKARI ka offer STATUS SYMBOL hai ! woh bhi kya JAMANA tha JAB NAUKARI nahi karana Status Symbol hota tha .

Pahale KHANDANI log PAN_BATTA rakhate the aur PAAN khate the ! PAAN khana Status Symbol hota tha ab ULTA hai ab PAAN KHANA DEHATI ka pahchan hai :(

Woh bhi kya jamana tha jab POLITICs hobby aur STATUS SYMBOL hota tha , ab bilkul ulta hai , POLITICAL SAMAJ ko log ganda nazar se dekhata hai . Pahale ke JAMANA me DARU peene wale ko GAON se bahar kar oosaka BOYCOTT kiya jata tha , ab ULTA hai , agar aap DARU nahi peete hain to aapako SAMAJ se BAHAR kar diya jayega !

Ek woh bhi jamana tha jab sabhi N R B ( Non resident Bihari ) har HOLI - DASH-HARA - CHHAT me gaon jaate the aur GARV ka baat hota tha , ab agar aap HOLI -DASHHARA metro me nahi manayenge to wahan ka ADVANCE BIHARI aapako dusara nazar se dekhega !

sab kuchh ULTA ho gaya hai ! ab dekhiye naya naya STATUS SYMBOL kya hai ...

1. Virtual World me presence , Kisi Yahoo group , Orkut Community , BLOG etc ka OWNER hona ..

2. Live-in Relationship ..matlab bina BIYAH kiye huye kisi LADAKA ya LADAKi ke saath Flat me rahana ...

3. INDIA ke kisi METRO me ek FLAT hona ....bhale aapako BIHAR me 2 kaththa bhi Zamin nahi ho ...

4. IT world me naukari ....bhale hi aap MAINTENANCE ka kaam kyon na karen .....

5. LOVE - MARRIAGE ... aapake khandaan me koi LOVE marriage nahi kiya hai ?? oh..tab to aap SAMAJ se bahut peechhe hain ....

6. OFFICE - SPOUSE ......DIn ke 12 ghanta to office me rahate hain so wahan ek SPOUSE hona jaruri hai jisake saath aap apane SUKH -DUKH share kar saken ....

7. CAT preparation .... Ek jamana tha jab BIHARI log UPSC ka preparation karata tha , ab sab ULTA hai ...CAT ka Preparation karana STATUS SYMBOL hai .....kuchh SAMAJH me aa raha hai MUKHIYA JEE ??? ENGLISH NOVEL padhana suru kiziye !

8. ENTREPRENEURSHIP ....kahan NAUKARI kar rahe ho ?? Bhaiya , maine to resign kar diya ab KHUD ka ek BPO khol liya hai , NOIDA me . Good !

9. NO CASTE , Pls ! TALK "CLASS" : agar aap JAAT PAAT ka baat kiziyega to LOG aapako BOYCOTT kar dega , JAAT PAAT mat kiziye , CLASS ka baat kiziye :)

10. MBA from USA : oh...aap IITian hain :) very GOOD ! MBA kiya hai ? NAHI :( ta GHANTA kiya hai ??? USA me 10 saal rahe , ek MBA ka degree le lete !!

aur bhi BAHUT STATUS SYMBOLs hain ......

JAMANA bahut BADAL gaya aur hum aaj bho oosee MOD par khade hain , jahan se JINDAGI ki shuruaat kiye the :(